عايزين نصارح بعضنا ::: جابر الشوربجى :::

عايزين نصارح بعضنا
***********
عايزين نصارح بعضنا طول السنين
كدب وصراحة يبان لنا فى كلمتين
داللى يكدب يكشفوا أول سؤال
لكنه ممكن يحرجك فى كل سين
دايما يقولوا ويحلفوا مش كدابين
لكن تلاقى كدبهم مالهوش رجلين
طب ليه نكدب ونفترى يامسلمين
الكدب دايما ينزوى مالهوش عينين
والناس بتكدب وتلاقيهم خجلانين
والصدق دايما يفتخر رافع جبين
اوعاك تفكر انهم متشابهين
أو تفتكرهم عملة واحدة بوشين
الصدق مشواره يخلص فى خطوتين
والكدب يقعد يلففك ييجى مشوارين
الكدب يعمل عملته ويخرب بيوت
والصراحة عندنا باغلى اليخوت
الكدب عامل زينا كتير الوشوش
والكدابين بيطمعوا يملوا الكروش
والحقيقة عمرها ما رزقك تحوش
.... جابر الشوربجى ....