تعالى نصون حبنا :: جابر الشوربجى ::

تعالى نصون حبنا
********
تيجى ننسى اللى فات
اللى ضيع حبنا
أصله خلانا إفترقنا
بدون ما نسعد قلبنا
ماتيجى نشغل مخنا
تعالى نفتح صفحة تانية
تبقى صفحة عمرنا
بينا نخلى الحب يشمل
كل قلب وقلبنا
يبقى محرابها التفاهم
و الأمان يضمنا
وعنوانها المحبة
والخلاص من همنا
....................
تبقى صفحة بدون رتوش
ولا تغيير فى الوشوش
ولا بتاعتنا لوحدنا
نبقى فيها أحلى غنوة
لابن جارنا وعمنا
م الخليج للمحيط
وحتى جوه أرضنا
صفحة تجمع القلوب
ع المحبة لربنا
وتساعدنا نبتدى
نوحد روحنا و صفنا
وبيها نلملم شملنا
ونمنع بكره أى هفوة
تمس مالنا وعرضنا
....................
بينا نعاون بعضنا
لما تحط إيدك ف إيدى
ونتكل على ربنا
هو وحده بيساعدنا
إزاى نحسن طبعنا
وإزاى نطهر نفسنا
من عادات مش لنا
وإزاى نزيل أى حقد
كان مالينا و عندنا
ياللا نكتب أحلى ذكرى
النهارده قبل بكره
وقبل نومنا ف قبرنا
....................
تعالى ندعى ربنا
يحل عقدة من لسانا
ويهديلنا سرنا
وكمان يعطر فمنا
وتيجى منه الهداية
اللى تحفظ حقنا
من أى ذلة أو مهانة
أو كسوف على دمنا
وتبقى لينا طوق نجاة
نرضى بيه ربنا
وكمان نصون حبنا
... جابر الشوربجى ...

أسرفت في المنى أم زمنك أقل من رفيع أمانيك أم عامروه من البشر من غير طينتك الملائكية لا أرغب في التشاؤم وإن كنت شديد التفاؤل فحقاً أنت على صواب ونحن على أكبر خطأ لنحاول معك نبني هذا العالم الإسلامي الجميل بكل أطياف ساكنيه وعلاقتنا بهم الخاصة والعامة عسى قليل مرار يحليه بعض فكرك الراقي وخلقك السامي دام نبضك

ماهى الا محاولات يائسة من فقير لا يملك حتى امر نفسه محاولة لردى ورد من احبهم الى سالف ماكان من قيم واخلاص ومحبة لله وفى الله ... تخجلينى بردودك الرائعة ... دمت ودودة طيبة