فرفشة الستات

كدهو يرضيك أحوالى ... خلاص مليت اهمالك
لو كان بيهمك أمرى ... كنت سألتنى مالك
أو حتى كنت تقوللى ... أنا آسف ع اللى جرالك
فاكرة إنك حاسس بيا ... أتارينى ولا على بالك
بتقوللى لسه بحبك ... وإنت اللى يهمك حالك
جايبلى غويشة ومحبس ... سالفهم من دار خالك
ليه هوا أنا ما أشبهشى ... عايزنى كمان أصفالك
أبويا غفير فى الشرطة ... أجمد من كل أمثالك
ياريت تفضالى شوية ... وتسيبلى كل أشغالك
خللينى أديرلك شغلك ... أخفف كل أحمالك
دا جمالى الخارق ده ... حسدوك عليه عزالك
يبقى تقدرنى يا راجل ... وتقوللى فين أموالك
أجيب كل اللى ف نفسى ... ما يهمنى إيه يجرالك
وأفرفش كده وأتمتع ... ما يهمش إنى أفضالك
.......... جابر الشوربجى ...........

طرق جديد وموضوع جديد لكن الابداع كما هو رغم روح الدعابة التي غلفت النص إلاأنه يصف حالة اجتماعية عميقة تناولها بشفافية وغلفها بالمرح مبدع دوماً نص جميل امتعنا لاحرمنا جمال السكب أيها المتألق