مصر يا عالم رايحة لفين

$$ مصر يا عالم رايحة لفين $$
****************
جملة عبارة عن شقين .... مصر يا عالم .. رايحة لفين
عشرة المغرب ترمى الابرة ... ترن تسمع ع الجنبين
ماشى ياعم الدنيا نظام ... طب والمرضى ليه ناسيين
واللى كمان عامل اضراب ... وخلا ولاده كمان جعانين
واللى ولاده عايزة لبان ... نصب خيمة وقال قاعدين
واللى راح يعملى مظاهرة ... عشان يلهف قال جنيهين
واللى كمان بيحب يناكف ... ومالوش أى اهداف واضحين
طب ياشيخ أنا راضى الزمة ... خزنة فاضية هتملا منين
واللى كمان عامل فيها جهبذ ... وهو ما فكش يوم حرفين
يانى ياعينى عليكى يا بلدى ... كله بيهدم فيكى دورين
كله مبطل يشقى ويتعب ... يمكن فرخة تبيض بيضتين
بيضة فضى وبيضة ألماظ ... وان ما باضتش يقول ثايرين
عيب على دمك ياعم الجهبذ ... لاجاز ولا غاز عدنا لاقيين
ليه بتتكاسل او تتوانى ... أو بتخللى البلة طين
فعل مفيش والبوءء شوارع ... مادد منه لسان شبرين
نفسنا نبنى بقى ونعمر ... وبلدى ما يبقى لونه حزين
.......... جابر الشوربجى ........