مواااال الصبر والوفاء

موال الصبر والوفاء
*********
آه يا ليلى يا عينى
على صبر صار محمول

جوا قلوب تنكوى
وشوق فى دمى يجول

وحبيبى تايه ما دارى
ولا سامع منى قول

عيونه رمش القمر
ومبسمه معسول

نسماته تسحر وتفتن
كل السهارى دووول

آهين وآآآه يا زمن
من ليل حزين بيطول

تطفى نجوم السما
لو رمشه عنى يزول

وتهيج نيران لوعتى
وأعزف على الأرغول

أصعب كلام ينحكى
أصل الستار مسدول

لو كان لعزفى صدى
كنت أعزفه على طول

أتارى لحنى اشتكى
من قلب كان مشغول

و قاللى اصبر ياقلبى
داللى صبر هاينول

و اوعاك تبطل تحب
ربك هو المسئول

يقدر يولف قلوبكم
يشفى فؤاد معلول

يزرع بقلبه المحبة
و يغلفه بمحلول

محلول سماده شوق
من الهموم مغسول

و ماركته صدق بلدى
مكتوب عليه مقبول

منقوش عليه بالدهب
ممنوع لأى عزول

موضوع بحصن الوفا
ضد الفراق معزول

... جابر الشوربجى ...

[ندعوك للتسجيل في المنتدى أو التعريف بنفسك لمعاينة هذا الرابط]